26. - 28. februar 

2021

Sandane






Velkomne til Ose Kammerspel!

Det er ei stor glede å ønske deg velkomen til den andre festivalen vår på Sandane, 26. - 28. februar 2021! Vi har skifta navn frå Osetvillingane sitt Musikkeventyr til Ose Kammerspel, og gleder oss stort til neste festival. Den stemninga og dei opplevingane vi hadde på konsertane i mars 2020, vil vi meir enn gjerne ha igjen! 


Henning Kraggerud er ein av våre aller fremste musikrarar med ei imponerande merittliste nasjonalt og internasjonalt som fiolinist, bratsjist, komponist og orkesterleiar. Han gjesta festivalen vår i fjor også, og kjem i år tilbake med ein heilt ny dobbeltkonsert bestilt av Arktisk Filharmoni og Tasmania Philharmonic Orchestra. Ose Kammerspel har fått æra av å urframføre kammerversjonen av RomAntArctica, der vi får høyre Maria (fløyte) og Kraggerud sjølv som solistar.


Koronaen setter sitt preg også på festivalen vår. Vi har vore nødt til å kansellere pianisten Eric Lu, og har invitert Gunnar Flagstad i staden. Og han er ingen dårlig erstatning! Gunnar har konsertert over heile Europa, og han har gjesta alle dei store klassiske musikkfestivalane i Noreg. Han er fast akkompagnatør ved Norges Musikkhøyskole, og har spelt med ei rekke av dei mest profilerte musikarane i Noreg.


Vertavokvartettens Bjørg Lewis vert også stoppa av koronaen i år, og på kort varsel har den prisbelønte cellisten Sandra Lied Haga takka ja til å kome. Sandra er ein svært merittert cellist, ho har vunne ei lang rekke konkurransar og stipend - og i 2019 mottok ho Equinor sitt prestisjetunge millionstipend. Ho gav ut debutalbumet sitt i fjor, og er no blant dei nominerte til Spelemannsprisen for si kritikerroste innspeling av Dvoraks cellokonsert og Tchaikovskys Rokokkovariasjoner.


Brynjar Lien Schulerud er fiolinist og konsertmester i Arktisk Filharmoni, og Julia Neher er solobratsjst i same orkester. Dei er begge strålande kammermusikarar, og vi er glade for at dei har takka ja til å gjeste årets festival. To unge framadstormande strykarar kjem også, nemleg Rasmus Hella Mikkelsen (fiolin) og Albert Noven (kontrabass).


Vi gler oss stort til å få spele saman med disse fantastiske musikarane, og til å få oppleve den musikalske magien vi har lengta etter så lenge.


Hjertleg velkomne!


-Ingrid og Maria Ose

kunstneriske leiarar