Vi ser verkeleg fram til Ose Kammerspel i månadsskiftet februar/mars 2024! Vi feirar 5 års-jubileum, og kan friste med ei strålande artistliste i år:

​

Amalie Stalheim, cello

Guro Kleven Hagen, fiolin

Henninge Landaas, bratsj​

Edvard Erdal, fiolin

Björn Nyman, klarinett

Birgitte Volan Håvik, harpe

Ingrid Ose, fløyte

Maria Ose, fløyte

​

Nytt av året er ein Middagskonsert i samarbeid med Gloppen Hotell laurdag kveld. Der blir det både mat og musikk av ypperste klasse når hotellets utsøkte 3-retters meny vert akkompagnert av musikarar frå Ose Kammerspel. I tillegg har vi erstatta søndagskonserten med ein konsert torsdag kveld.

​

Det blir også litt nye klanger på årets festival, då vi beveger oss inn i den franske impresjonismen, der rytme og puls blir meir vagt, og fargepaletten står meir i fokus. Ein kan se for seg dei vakre bileta til t.d. den franske maleren Claude Monet og drøyme seg inn i hans maleriske landskap. Vi har også invitert med oss både harpe og klarinett i tillegg til strykarar i år, så ein får høyre litt andre klangfargar når musikarane framfører musikk av Claude Debussy og Maurice Ravel. Klarinetten får også skinne i klarinettens kanskje viktigaste kammermusikkverk, Johannes Brahms sin Klarinettkvintett. Vi får også høyre eit stykke av ein av dei mest spennande unge nolevande norske komponistane, Anna Berg, så det er mykje å glede seg til.

​

Billettane får du kjøpt på trivselshagen.no.

​

Velkomne til festival!

​

​

​

​

​

Ingrid og Maria Ose

kunstneriske leiarar